Խաղում ենք և սովորում
April 27 2026
Երևանի Պետական Համալսարանում տեղի ունեցավ պատմություն առարկայից նախագծային աշխատանքի ներկայացում՝ «Խաղում ենք և սովորում» խորագրով։ 11/8 դասարանի աշակերտները ներկայացրին իրենց աշխատանքը համալսարանի պատմության ֆակուլտետի համաշխարհային պատմության ամբիոնի դասախոսներին՝ ամբիոնի վարիչ, պատմական գիտությունների դոկտոր, պրոֆեսոր Հ. Հարությունյանին և պատմական գիտությունների թեկնածու, դոցենտ Կ. Գասպարյանին։
Տեղի ունեցավ շատ հետաքրքիր և գիտելիքներով հարուստ քննարկում։ Սովորողները շրջեցին համալսարանում, եղան գրադարանում և մեծ տպավորություններով վերադարձան դպրոց։
Նախագծային աշխատանքի արդյունքում ստեղծվել է սեղանի խաղ, որը ներառում է խաչբառեր, հանելուկներ, հարցադրումներ և պատմության տարբեր ժամանակաշրջանները ներկայացնող նկարներ։
Դասախոսները գոհ էին երեխաների աշխատանքից և բարձր գնահատեցին նրանց ձգտումներն ու ակտիվ մասնակցությունը։
